O PP gaña as eleccións sen maioría absoluta

O Partido Popular foi a forza máis votada nas eleccións municipais de Mondoñedo pero non acadou a maioría suficiente para gobernar.
Unha posible alianza entre BNG e PSOE dará a Alcaldía a Orlando González.
O reparto de Concelleiros quedou do seguinte xeito: PP 4, BNG 4, PSOE 2, PG 1.

Máis de 500 mindonienses no xantar con Manuel Fraga

O Partido Popular de Mondoñedo xuntou o mércores 23 de maio a máis de 500 mindonienses no pavillón municipal de deportes. O evento superou tódalas expectativas ó ter lugar nun día laborable.
O xantar e mitin de apoio á candidatura de Elena Candia, co que o PP convidou ós seus afiliados e simpatizantes, contou coa presencia do Senador e Presidente Fundador do partido, D. Manuel Fraga Iribarne. Ademáis, tamén asistiron ó evento o Presidente Provincial, Xosé Manuel Barreiro, o Deputado no Congreso, Xulio Padilla, o Deputado autonómico, Xosé Manuel Balseiro, e o Alcalde de Mondoñedo, Luis Rego.
Os máis de 500 convidados desfrutaron dun menú consistente en empanada, polbo á feira, carne ó caldeiro e tarta de Santiago.
Rematado o xantar, a orquesta Suavecito amenizou a sobremesa.

FOTOS DO EVENTO

Manuel Fraga estará no xantar-mitin do PP de Mondoñedo.

O PP de Mondoñedo organiza un xantar-mitin para o vindeiro mércores 23 ó que están invitados os afiliados e simpatizantes do Partido. O acto será no Pavillón Municipal ás 13:30h e contará coa presencia de Don Manuel Fraga, Senador e Presidente Fundador do PP.
Haberá servizo de autobuses dende as diferentes parroquias.

Mitin celebrado na Casa Xuventude

O Partido Popular de Mondoñedo celebrou o 18 de maio un mitin na Casa da Xuventude.
O evento contou coas intervencións do Alcalde de Mondoñedo, Luis Rego; do deputado autonómico, Xosé Manuel Balseiro; e a candidata, Elena Candia.
Antes de comezar o acto, repartíronse os primeiros exemplares do programa electoral. Elena Candia comentou varios puntos do mesmo na súa intervención.

FOTOS DO EVENTO