Mitin do Partido Popular na Casa da Xuventude

O Partido Popular de Mondoñedo congregou a un cento de persoas no mitin celebrado o domingo na Casa da Xuventude. Ó evento acudiron os candidatos ó Congreso e ó Senado pola nosa provincia.
O mitin comezou coa intervención de Elena Candia, que criticou a xestión do bipartito mindoniense dicindo que durante estes meses de goberno municipal soamente se limitaron a mercar un tractor e facer unha normativa de tráfico moi restrictiva e recaudatoria que impide aparcar na maioría das rúas exceptuando o coche do Alcalde, que pode chegar mesmo á porta do Concello, e eso que segundo el en Mondoñedo non hai distancias.
A seguinte en participar foi a candidata ó senado María Carmen Gueimunde, seguida do parlamentario José Manuel Balseiro.
Para rematar, o candidato ó Senado, José Manuel Barreiro, salientou durante a súa intervención que os do PP non temos que mentir nin que inventar nada, que son outros os que utilizan panfletos propagandísticos nos que, sin poñerse colorados, teñen o atrevemento de decir que Lugo é a provincia mellor conectada por autovía. Segundo Barreiro, o PSOE podería aforrar a tinta do programa electoral por que como non fixo nada promete o mesmo que fai catro anos.

FOTOS DO EVENTO